Marcelo Galyardo "Banfield"ga qarshi uchrashuvda jamoasini so'nggi bor boshqarib maydonga olib chiqdi. Bahs "River"ning 3:1 hisobidagi g'alabasi bilan yakunlandi va shu tariqa klub ketma-ket uch mag'lubiyatdan iborat omadsiz seriyasiga nuqta qo'ydi. Bu haqda euro-football.ru xabar beradi.
Aynan o'sha muvaffaqiyatsiz seriya Galyardoning lavozimini saqlab qolishiga xalal bergani aytilmoqda. Shunga qaramay, murabbiyga muxlislar oldida munosib tarzda xayrlashish imkoniyati berildi va u bu lahzani juda hissiyotli o'tkazdi.
O'yindan so'ng Galyardo ko'z yoshlarini yashirmadi: "Hammaga shunchaki rahmat. Sizlarning mehringizni so'z bilan ifodalash qiyin. Men butunlay ketmayapman. "River"dan hech kim abadiy ketmaydi. Bu sehrli joy: ketganingda ham baribir klub bilan qolasan", dedi u.
Eslatib o'tamiz, 1990-yillarda Marcelo Galyardo "River" safida to'p surgan va Argentina terma jamoasida ham o'ynagan.
“Zamin”ni Telegramʻda oʻqing!
