«Shanxay Shenxua» Osiyo Chempionlar ligasida yetti turdan so'ng pley-offga chiqish imkoniyatidan mahrum bo'lgandi. 8-turda «Buriram Yunayted»ga qarshi bahs jamoa uchun turnir bilan xayrlashish oldidan so'nggi imkoniyat edi, biroq Slutskij shogirdlari bu safar ham kutilgan natijani bera olmadi. Bu haqda euro-football.ru xabar beradi.
Tailand klubi uchrashuvda 2:0 hisobida g'alaba qozondi. «Buriram Yunayted» birinchi taymning dastlabki daqiqalaridayoq ikki bor raqib darvozasini ishg'ol qildi: 11-daqiqada Gud Kertis, 22-daqiqada esa Suphanat Mueanta gol muallifi bo'ldi. Oradan ko'p o'tmay «Shanxay Shenxua» bir futbolchisini yo'qotib, maydonda kamayib qoldi va bu holat o'yindagi intrigani amalda so'ndirdi.
Qayd etilishicha, Leonid Slutskijning «Shanxay Shenxua» bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
