«Шанхай Шенхуа» Осиё Чемпионлар лигасида етти турдан сўнг плей-оффга чиқиш имкониятидан маҳрум бўлганди. 8-турда «Бурирам Юнайтед»га қарши баҳс жамоа учун турнир билан хайрлашиш олдидан сўнгги имконият эди, бироқ Слуцкий шогирдлари бу сафар ҳам кутилган натижани бера олмади. Бу ҳақда euro-football.ru хабар беради.
Тайланд клуби учрашувда 2:0 ҳисобида ғалаба қозонди. «Бурирам Юнайтед» биринчи таймнинг дастлабки дақиқалариёқ икки бор рақиб дарвозасини ишғол қилди: 11-дақиқада Гуд Кертис, 22-дақиқада эса Супханат Муеанта гол муаллифи бўлди. Орадан кўп ўтмай «Шанхай Шенхуа» бир футболчисини йўқотиб, майдонда камайиб қолди ва бу ҳолат ўйиндаги интригани амалда сўндирди.
Қайд этилишича, Леонид Слуцкийнинг «Шанхай Шенхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
