Saudiya Arabistoni chempionatining shanba kungi uchrashuvida «Al-Feyha» o'z maydonida «Al-Nasr»ni qabul qildi. Turnir peshqadami bo'lgan mehmonlar ko'plab noqulay vaziyatlarga qaramay, oxir-oqibat 3:1 hisobida g'alaba qozonib, ochkolarni boy berib qo'yishga sal qoldi. Bu haqda euro-football.ru xabar beradi.
O'yin boshida Krishtianu Ronaldu penaltini aniq ijro eta olmadi: uning pastdan yo'llagan zarbasi chap ustunga tegib, maydon tashqarisiga chiqib ketdi. Birinchi bo'lim yakunida esa «Al-Nasr» o'z darvozasiga gol o'tkazib qo'ydi: Rakkan Kaabining o'ng qanotdan uzatmasini darvozabon ushlashga chiqdi, ammo jamoadoshi Abdullela al-Amri to'pni oyog'i bilan yaqin burchakka yo'naltirib yubordi — 1:0.
Ikkinchi bo'limda «Al-Nasr» bosimni kuchaytirdi. Joau Felishning jarima maydonidan yo'llagan zarbasini himoyachilar to'sdi, qaytgan to'pga Ronaldu 15 metrlar atrofidan kuchli zarba berdi, biroq darvozabon seyv qayd etdi.
72-daqiqada hisob tenglashdi: Sulton al-Ganam o'ng qanotdan oldinga uzoq pas tashladi, Kingsli Koman jarima maydoniga yorib kirib, uzoq ustun tomon uzatma berdi va Sadio Mane to'siqsiz zarba berib, gol urdi — 1:1.
Shundan keyin ham vaziyatlar ketma-ket davom etdi: Marselo Brozovich hamkorini darvozabon bilan yakkama-yakka chiqardi, ammo Ayman Yahyo imkoniyatdan foydalana olmadi. Brozovichning navbatdagi uzatmasidan keyin Koman uzoq burchakka yo'llagan zarbasini darvozabon sakrab qaytardi.
80-daqiqada «Al-Nasr» oldinga chiqib oldi: Brozovich burchakdan to'p uzatdi, u Felishga yetib bordi va portugaliyalik 20 metrlar atrofidan yaqin ustunga zarba berdi. To'p ustundan qaytib, darvozabonning orqasiga tegdi-da, chiziqdan o'tib ketdi — 1:2.
Uchrashuv yakunida mehmonlar ustunligini mustahkamladi. Felish bilan chap qanotda tezkor kombinatsiya uyushtirilgach, hal qiluvchi zarbani sakkiz metrlar atrofidan Abdulla al-Hamdan yo'lladi — 1:3.
Natijada «Al-Feyha» turnir jadvalida 11-o'rinni bo'lishib turibdi, «Al-Nasr» esa eng yaqin ta'qibchisidan ikki ochkolik farq bilan peshqadamlikni saqlab qoldi.
“Zamin”ni Telegramʻda oʻqing!
