"Al-Nasr" bosh murabbiyi Jorje Jezush jamoa yetakchisi Krishtianu Ronaldu nega yaqinlashib kelayotgan uchrashuvda maydonga tushmasligini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida "Arkadag"ga qarshi bahs olib boradi. Portugaliyalik yulduz hujumchi bo'yicha maydonga tez orada qaytadi degan gaplar yurayotgan bo'lsa-da, bu safar ham u tarkibda bo'lmaydi.
Jezushning aytishicha, tig'iz taqvim sabab Ronaldu va asosiy tarkibdagi yana bir nechta futbolchiga dam berish qarori qabul qilingan. Murabbiy bu bilan shanba kungi "Al-Fateh"ga qarshi muhim o'yinga kuchni tejash ko'zlanganini ta'kidladi.
Shuningdek, u Ronaldu safardagi o'yinlarda tez-tez dam olishi yangilik emasligini eslatib o'tdi: Saudiya Arabistonidan tashqarida o'tadigan uchrashuvlarni u avval ham bir necha bor o'tkazib yuborgan.
Saudiya chempionatidagi "Al-Fateh" – "Al-Nasr" uchrashuvi 14-fevral, shanba kuni bo'lib o'tadi.
“Zamin”ni Telegramʻda oʻqing!
