2009 yil oktyabrida Qozonning «Rubin» klubi Chempionlar ligasida katta shov-shuv ko'targan edi: jamoa «Kamp Nou»da «Barselona»ni 2:1 hisobida mag'lub etgandi. O'sha uchrashuvdan keyingi mukofot pullari haqida sobiq yarim himoyachi Kristian Noboa eslab o'tdi. Bu haqda euro-football.ru xabar beradi.
Noboaning so'zlariga ko'ra, bu uning faoliyatidagi eng yirik premiyasi bo'lgan. «Har bir futbolchi 80 ming dollardan oldi», — deya uning fikrini «Sport-Ekspress» keltiradi.
Futbolchi o'sha pulga hech narsa xarid qilmaganini, aksincha jamg'arib qo'yganini ta'kidladi. Uning aytishicha, o'sha paytning o'zida ham ancha mulohazali bo'lgan.
Eslatib o'tamiz, 2009/2010 yilgi Chempionlar ligasi guruh bosqichida «Rubin» o'z kvartetida uchinchi o'rinni egallagan. Guruhda «Barselona» va «Inter» yuqoriroqda yakunlagan bo'lsa, Kiyevning «Dinamo»si so'nggi pog'onada qolgan.
“Zamin”ni Telegramʻda oʻqing!
