Fransiyaning PSJ klubida to'p tepayotgan markaziy himoyachi Ilya Zabarniy Liga 1ning 24-turi doirasida safarda «Gavr» ustidan qozonilgan 1:0 hisobidagi g'alabadan so'ng o'z fikrlarini aytdi. Parijliklarga uch ochkoni Barkolaning yagona goli taqdim etdi. Bu haqda euro-football.ru xabar beradi.
«Oson bo'lmasligini bilardik, bu yerda har doim qiyin. Eng muhimi, PSJ uch ochkoni oldi — bu biz uchun juda muhim. Hozir jamoa har bir o'yinga maksimal e'tibor qaratmoqda, barcha uchrashuvlar ahamiyatli», — deya Zabarniyning so'zlarini Footmercato keltirdi.
Luis Enrike boshqaruvidagi PSJ 57 ochko jamg'arib, Fransiya chempionati turnir jadvalida peshqadamlikni saqlab turibdi. Parij klubi ikkinchi o'rindagi «Lans»dan bir ochkoga oldinda bormoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
