2009 yil oktyabrida Qozonning «Rubin» jamoasi Chempionlar ligasida kutilmagan natija qayd etib, «Kamp Nou»da «Barselona»ni 2:1 hisobida mag'lub etgandi. O'sha uchrashuvda o'ynagan sobiq yarim himoyachi Kristian Noboa keyinroq g'alaba uchun berilgan mukofot pullarini eslab o'tdi. Bu haqda euro-football.ru xabar beradi.
Noboaning so'zlariga ko'ra, bu uning faoliyatidagi eng yirik premiyalar bo'lgan: har bir futbolchiga 80 ming dollardan to'lab berishgan. U bu mablag'ni sarflab yubormaganini, aksincha, jamg'arib qo'yganini ta'kidladi.
Eslatib o'tamiz, 2009/2010 yilgi mavsum Chempionlar ligasi guruh bosqichida «Rubin» o'z kvartetida uchinchi o'rinni egallagan. Guruhda «Barselona» va «Inter» yuqori pog'onalarda yakunlagan, Kiyevning «Dinamo»si esa so'nggi o'rinda qolgan.
“Zamin”ni Telegramʻda oʻqing!
