Fransiyaning PSJ klubi safida to‘p surayotgan markaziy himoyachi Ilya Zabarniy Liga 1ning 24-turida safarda “Gavr”ga qarshi o‘yindan keyin taassurotlari bilan o‘rtoqlashdi. Parijliklar uchrashuvda 1:0 hisobida zafar quchdi, yagona gol muallifi Barkola bo‘ldi. Bu haqda euro-football.ru xabar beradi.
“Qiyin bellashuv bo‘ldi. Buni oldindan kutgandik, chunki bu yerda hech qachon oson bo‘lmaydi. Eng muhimi — PSJ uch ochkoni oldi. Bu biz uchun juda muhim natija. Hozir jamoa har bir o‘yinga jiddiy e’tibor qaratmoqda. Barcha uchrashuvlar ahamiyatli”, — deya Zabarniyning so‘zlarini Footmercato keltirdi.
Luis Enrike shogirdlari 57 ochko jamg‘arib, Fransiya chempionati turnir jadvalida peshqadamlik qilmoqda. PSJ ikkinchi o‘rindagi “Lans”dan bir ochkoga oldinda bormoqda.
“Zamin”ni Telegramʻda oʻqing!
