"Bavariya" bosh direktori Yan-Kristian Drizen Chempionlar ligasi pley-off qurasi natijasiga munosabat bildirdi. Myunxen klubi turnir jadvalining murakkabroq qismiga tushib qoldi: agar nemislar "Atalanta"dan o‘tsa, keyingi bosqichda "Real" – "Manchester Siti" juftligi g‘olibiga qarshi maydonga chiqadi. Bu haqda euro-football.ru xabar beradi.
Drizenning aytishicha, jadvalning o‘ng tomoni nisbatan yengilroq ko‘rinadi va "Bavariya"ning chap tomonga tushganidan xursand ekanini aytish qiyin. Shunga qaramay, u kuchli raqiblarga qarshi o‘yinlar jamoa uchun foydali tajriba bo‘lishini ta’kidladi.
Klub rahbari hozir asosiy e’tibor "Atalanta"ga qaratilishini urg‘uladi. Uning fikricha, bergamoliklar bilan "Borussiya" o‘rtasidagi qarama-qarshilikdan keyin bu jamoaga juda jiddiy yondashish kerakligi yana bir bor ko‘rindi. Drizen "Atalanta" Yevropa ligasini yutganini, finalda esa "Bayer"ni mag‘lub etganini eslatib, bu raqibni “oddiy nom” deb bo‘lmasligini qayd etdi. "Hozir butun fokus "Atalanta"da, keyin nima bo‘lishini ko‘ramiz", — dedi u Bayern & Germany nashriga.
Ma’lumot uchun, ilk uchrashuvda "Atalanta" 10 mart kuni "Bayer"ni qabul qiladi.
“Zamin”ni Telegramʻda oʻqing!
