Myunxenning «Bavariya» klubi bosh direktori Yan-Kristian Drizen Chempionlar ligasi qurasi natijasida jamoa turnir jadvalining murakkab tomoniga tushib qolganiga munosabat bildirdi. Uning aytishicha, agar nemis grandlari «Atalanta»dan o‘tsa, keyingi bosqichda «Real» – «Manchester Siti» juftligi g‘olibi bilan to‘qnash keladi. Bu haqda euro-football.ru xabar beradi.
Drizen o‘ng tomondagi yo‘l nisbatan yengilroq ko‘rinishini tan oldi, biroq kuchlilar bilan o‘ynash ham jamoani chiniqtirishini ta’kidladi. «Bizning asosiy e’tiborimiz hozir “Atalanta”ga qaratilgan. “Borussiya”ga qarshi o‘yinlaridan keyin ularni jiddiy qabul qilish kerakligini ko‘rdik. Ular Yevropa ligasini ham yutgan, finalda “Bayer”ni mag‘lub etgan. Demak, bu jamoa hech qachon oddiy raqib bo‘lmagan», — dedi Drizen Bayern & Germany nashriga.
Ma’lumot uchun, juftlikning ilk uchrashuvida «Atalanta» 10 mart kuni «Bayer»ni qabul qiladi.
“Zamin”ni Telegramʻda oʻqing!
