Germaniya terma jamoasi bosh murabbiyi Yulian Nagelsmann darvozabon Manuel Noyerni milliy jamoaga qaytarish ehtimoli borasida o'z pozitsiyasini yana bir bor eslatdi. Bu haqda euro-football.ru xabar beradi.
OAVda hali ham "Bavariya" sardori, 40 yoshni qarshilash arafasidagi tajribali posbonni terma jamoaga chaqirish mumkinligi haqida gap-so'zlar to'xtagani yo'q. Taxminlarga ko'ra, u Jahon chempionati oldidan bundestimning darvozabonlar borasidagi masalasini yopishga yordam berishi mumkin.
Nagelsmann esa bu mavzuda hammasi aniq ekanini ta'kidladi: Noyerning o'zi ham terma jamoadagi faoliyatini yakunlaganini ochiq aytgan. Murabbiy Noyer "Bavariya"da hali ham yuqori darajada o'ynayotganini e'tirof etar ekan, terma jamoada hozir Oliver Baumann kabi ishonchli variant borligini, u shu tempda davom etsa, Jahon chempionatini juda yaxshi o'tkazishini qayd etdi.
Manuel Noyer 2024 yilda Germaniya terma jamoasidagi faoliyatini yakunlagan.
“Zamin”ni Telegramʻda oʻqing!
