Германия терма жамоаси бош мураббийи Юлиан Нагелсман дарвозабон Мануэл Нойерни миллий жамоага қайтариш эҳтимоли борасида ўз позициясини яна бир бор эслатди. Бу ҳақда euro-football.ru хабар беради.
ОАВда ҳали ҳам "Бавария" сардори, 40 ёшни қаршилаш арафасидаги тажрибали посбонни терма жамоага чақириш мумкинлиги ҳақида гап-сўзлар тўхтагани йўқ. Тахминларга кўра, у Жаҳон чемпионати олдидан бундестимнинг дарвозабонлар борасидаги масаласини ёпишга ёрдам бериши мумкин.
Нагелсман эса бу мавзуида ҳаммаси аниқ эканини таъкидлади: Нойернинг ўзи ҳам терма жамоадаги фаолиятини якунлаганини очиқ айтган. Мураббий Нойер "Бавария"да ҳали ҳам юқори даражада ўйнаётганини эътироф этар экан, терма жамоада ҳозир Оливер Бауман каби ишончли вариант борлигини, у шу темпда давом этса, Жаҳон чемпионатини жуда яхши ўтказишини қайд этди.
Мануэл Нойер 2024 йилда Германия терма жамоасидаги фаолиятини якунлаган.
“Zamin”ни Telegram'да ўқинг!
