Osiyo futbol konfederatsiyasi (OFK) mintaqaviy Osiyo Chempionlar Ligasi uchrashuvlari o'tkazilish joyi o'zgarganini ma'lum qildi. Avval Abu-Dabi, Dubay va Dohada bo'lib o'tishi kerak bo'lgan bahslar boshqa muddatga qoldirildi. Bu haqda euro-football.ru xabar beradi.
Qarorga Eron, AQSh va Isroil o'rtasidagi harbiy keskinlashuv sabab bo'ldi. Xabarlarga ko'ra, Eron tomonidan uchirilgan snaryadlar AQSh harbiy bazalari joylashgan qo'shni hududlarga ham yetib bormoqda.
OFK bayonotida tashkilot vaziyatni diqqat bilan kuzatishda davom etishi va futbolchilar, jamoalar, rasmiylar hamda muxlislar xavfsizligini ta'minlash masalasida qat'iy pozitsiyada qolishi ta'kidlandi.
Uchrashuvlar 2 va 3 mart kunlari o'tkazilishi belgilangan edi. Hozircha yangi sanalar yoki o'yinlar bo'lib o'tadigan manzillar e'lon qilinmadi.
“Zamin”ni Telegramʻda oʻqing!
