Marselo Galyardo murabbiy sifatidagi so'nggi uchrashuvini o'tkazdi. Uning jamoasi “Banfild”ga qarshi bahsda 3:1 hisobida g'alaba qozonib, ketma-ket uchta mag'lubiyatdan iborat omadsiz seriyaga nuqta qo'ydi. Bu haqda euro-football.ru xabar beradi.
Aynan o'sha muvaffaqiyatsiz natijalar Galyardoning lavozimi bilan xayrlashishiga sabab bo'lgani aytilmoqda. Shunga qaramay, klub unga munosib tarzda ketish imkonini berdi va murabbiy bu lahzani juda ta'sirli tarzda yakunladi.
O'yindan keyin ko'z yoshlarini yashirmagan Galyardo muxlislarga minnatdorlik bildirdi: “Hammaga shunchaki rahmat. Sizlarning mehringizni so'z bilan ifodalash qiyin. Men butunlay ketmayapman. ‘River’dan hech kim abadiy ketmaydi. Bu sehrli maskan: ketgan taqdiringda ham baribir klub bilan qolasan”, dedi u.
Eslatib o'tamiz, Galyardo 1990-yillarda klub safida ham, Argentina terma jamoasida ham to'p surgan.
“Zamin”ni Telegramʻda oʻqing!
