Myunxenning «Bavariya» klubi bosh direktori Yan-Kristian Drizen Chempionlar ligasi pley-offidagi quradan keyingi vaziyatga munosabat bildirdi. Nemis grandi murakkab yo‘lakka tushib qoldi: agar jamoa «Atalanta»dan o‘tsa, keyingi bosqichda «Real» – «Manchester Siti» juftligi g‘olibi bilan to‘qnash keladi. Bu haqda euro-football.ru xabar beradi.
Drizenning ta’kidlashicha, turnir to‘rining o‘ng tomoni ancha yengil ko‘rinadi va «Bavariya» chap tomonga tushganidan xursand ekanini aytish qiyin. Shu bilan birga, u kuchli raqiblarga qarshi o‘ynash va og‘ir o‘yinlar jamoani chiniqtirishini ham qayd etdi.
Klub rahbari hozir barcha e’tibor «Atalanta»ga qaratilganini urg‘uladi. Uning so‘zlariga ko‘ra, bergamoliklar «Borussiya»ga qarshi o‘yinlarda o‘z kuchini ko‘rsatgan va ularga jiddiy yondashish shart. Drizen «Atalanta» Yevropa ligasini yutganini, finalda «Bayer»ni mag‘lub etganini eslatib, bu jamoani «no-name» deb bo‘lmasligini aytdi.
Ilk uchrashuv 10 mart kuni bo‘lib o‘tadi: «Atalanta» o‘z maydonida «Bayer»ni qabul qiladi.
“Zamin”ni Telegramʻda oʻqing!
