Twitter hammuassisi Biz Stoun va Pinterest hammuassisi Evan Sharp ongli hayotga qaratilgan yangi ijtimoiy xizmat - Tangle ilovasini ishga tushirdi. Financial Times loyihaning boshlanishi haqida xabar berib, ushbu ilovaning "ongliligi"ga e’tibor qaratdi.
Platforma 2023 yilda Stoun va Sharp tomonidan asos solingan West Co. kompaniyasiga tegishli. Startap mahsulotni rivojlantirish uchun 29 million dollar sarmoya jalb qildi.
West Co. saytida Tangle hayotni maqsadli rejalashtirish vositasi sifatida tavsiflanadi: foydalanuvchilar kundalik voqealarni qayd etishlari va shaxsiy tajribani shakllantiruvchi munosabatlarni kuzatishlari mumkin. Ilovaga hozircha faqat taklif asosida kirish mumkin.
Xizmat shaxsiy maqsadlaringiz va niyatlaringizni do‘stlaringiz bilan baham ko‘rishni, bir-biringizni qo‘llab-quvvatlashni va belgilangan maqsadlarga erishish yo‘llarini muhokama qilishni taklif etadi. Ishlab chiquvchilarning ta’kidlashicha, Tangle an’anaviy kontent tasmasi emas.
West Co. ishga tushirilishidan oldin Evan Sharp Apple'ning sobiq bosh dizayneri Jonatan Ayvning kompaniyasida ikki yil ishlagan. Biz Stoun uchun Tangle loyihasi 2021 yilda Twitterni tark etganidan keyin tadbirkorlik faoliyatining yangi bosqichiga aylandi. O‘shanda u Ilon Maskni va ijtimoiy tarmoq faoliyatiga kiritilgan o‘zgarishlarni ochiq tanqid qilgan edi. West Co. jamoasiga Twitter va Pinterestning sobiq xodimlari ham kirdi.
“Zamin”ni Telegramʻda oʻqing!
