Geymerlarning sabr-toqati haqidagi afsonalar ko'p: kimdir Minecraft’da yillar davomida shahar quradi, kimdir Elden Ring’ni zararsiz yakunlaydi. Ammo MMORPG janrida bunday matonat yanada keskinroq ko'rinadi. Old School RuneScape hamjamiyati aynan shunday “dopamin portlashi”ga guvoh bo'ldi — o'yinchi uch yil yig'gan mukofotlarini bir kunda ochishga qaror qildi. Bu haqda playground.ru xabar beradi.
OSRS bo'yicha mashhur strimer va kontent yaratuvchi Pen Sir deyarli uch yil davom etgan marafonini yakunlaganini ma’lum qildi. U maxsus boshqotirma-topshiriqlarni muntazam bajargan, biroq mukofotni darhol olish o'rniga, muhrlangan sandiqlarni jamlab borgan. Natijada uning kolleksiyasi 10 mingdan ortiq qutiga yetdi.
3 yanvar kungi katta “unboksing” oldidan strimer hayajonini yashirmadi. Uning aytishicha, shu vaqt mobaynida tasodifan atigi bitta qutini ochib yuborgan, yana qariyb 80 tasi PvP hududida ehtiyotsizlik sabab yo'qolgan. Qolgan barcha xazinalar esa tegilmagan holda saqlanib qolgan.
Avvaliga bu jamg'arish klan tadbirida g'olib chiqish uchun rejalashtirilgan edi, biroq o'sha ixtiyoriy musobaqa oxir-oqibat bo'lib o'tmagan. Shunga qaramay, kolleksionerlik ishtiyoqi Pen Sir’ni to'xtatmadi. Endi u savdoga ruxsat bermaydigan xardkor rejimda o'ynab, Uchinchi Davrning (Third Age) eng nodir jihozlarini qo'lga kiritishga umid qilmoqda.
Sandiqlarni erta ochib yuborish vasvasasiga qarshi u lutf simulyatorlaridan foydalangan va har hafta ehtimollar jadvalini yangilab borgan. “Oxirgi bir-ikki kecha atigi 1–2 soat uxladim, hayajonim juda yuqori”, — degan strimer final efiri arafasida. OSRS muxlislari uchun bu voqea yillar davomida terilgan ulkan domino zanjiridagi birinchi bo'lak qulagandek ta’sir qildi.
“Zamin”ni Telegramʻda oʻqing!
