2024 йил 1 июл ҳолатига Ўзбекистоннинг доимий аҳолиси сони 37 миллион 134 минг кишини ташкил этди. Бу ҳақда Статистика агентлиги (pdf) ҳисобот берди.
Қайд қилинишича, аҳолининг 18 миллион 696 минг нафари эркаклар, 18 миллион 437 минг нафари аёллардир. Мамлакатнинг шаҳар аҳолиси сони 18,9 миллион кишини, қишлоқлар аҳолиси 18,2 миллион кишини ташкил этади.
Агентлик маълумотига кўра, Ўзбекистон аҳолисининг ўртача ёши 28,5 йилга тенг. Таққослаш учун, 2014 йилда аҳоли ўртача ёши 27,3 йил эди.
Ўзбекистонда меҳнатга лаёқатли ёшдаги фуқаролар умумий аҳоли сонининг 56,4 фоизига тенг. Шу билан бирга, меҳнатга лаёқатли ёшдан кичиклар 32 фоиз, меҳнатга лаёқатли ёшдан катталар 11,6 фоиз.
Доимий аҳоли сонининг энг кўпи Самарқанд вилоятида қайд этилган – 4 миллион 249 минг нафар. Бу бутун Ўзбекистон аҳолисининг 11,4 фоизи дегани. Шунингдек, Фарғона (4,1 миллион киши), Қашқадарё (3,6 миллион киши), Андижон (3,4 миллион киши) ва Наманган (3,1 миллион киши) вилоятларида нисбатан кўп аҳоли истиқомат қилади.
Доимий аҳоли сонининг улуши энг кам ҳудуд Сирдарё вилояти бўлиб, у ерда 922,1 минг киши яшамоқда. Навоий (1,1 миллион киши), Жиззах (1,5 миллион киши), Хоразм (2 миллион киши) вилоятлари ва Қорақалпоғистонда (2 миллион киши) нисбатан кам аҳоли истиқомат қилади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Соғлиқни сақлаш вазирлиги жазирамадан эҳтиёт бўлишга чақирди
Мессини, Хавини ва мени йўқотиб, “Барса” катта хато қилди
Наманган ҳокими хорижда ишлаётган ёшларга ўзларига мос иш ўринлари таклиф қилди
Париж—2024. Ўзбекистонлик боксчилар дастлабки рақибларини билиб олди
Нетаньяху маҳбусларни алмашиш учун шартлар мавжудлигини эълон қилди
Россияга мигрантлар оқими сўнгги 10 йилдаги энг паст даражага тушиб кетди
Австрия Ўзбекистонга автомобиллар учун эҳтиёт қисмлар етказиб бериши мумкин
Сардор Раҳимхонга дуч келган питон Намангандаги ҳайвонот боғига тегишли бўлиб чиқди
