16:23 / 18.08.2017
6 827

Ўзбекистонда янги вазирлик ташкил этилади

Ўзбекистонда янги вазирлик ташкил этилади
Аввал хабар берилганидек, таҳририят Ўзбекистон Халқ таълими вазири Улуғбек Иноятов билан очиқ мулоқот ўтказди. Вазирнинг таҳририят журналисти билан суҳбатда айтишича, Президент Шавкат Мирзиёев 16 август куни бўлиб ўтган учрашувда мактабгача таълим тизимини ислоҳ қилишдаги камчиликларни очиб, халқ таълими тизимидан мактабгача таълим тизимини алоҳида вазирлик сифатида ажратиб чиқиш кераклиги, яъни, Мактабгача таълим вазирлигини ташкил этиш кераклиги, республикадаги 5 мингта боғчаларни ривожлантириш лозимлиги масаласини қўйган.

“ОАВда таълим тизимида 2 та вазирлик кимга керак, деган савол туғилган эди. Бизнинг бошқарув тузилмамиздан олиб кўрадиган бўлса, Халқ таълим вазирлиги – бу жуда кенг кўламга эга вазирлик. Тизимда 775 минг ходим фаолият юритади. Бу тизимни бошқаришни мушкуллигини барча кўз олдига келтира олса керак. Ана шу нуқтаи назардан президентимиз бу алоҳида вазирлик бўлиши керак, мактабгача таълим тизими учун алоҳида эътибор қаратишимиз лозим, деган масалани қўйдилар”, - дейди вазир.

Унинг айтишича, Президент билан бўлиб ўтган учрашувда мактабнинг янги ўқув йилига тайёрлиги танқидий таҳлил қилинган. Қайд этилишича, бу йилдан бошлаб мактабнинг 10-синфларида таълим яна давом эттирилади. Бу йил республика бўйлаб 9-синфларни 467 минг ўқувчи битириб чиққан бўлиб, улардан 352 минг нафари 10-синфларда ўқишни давом эттириш истагини билдирган.

Маълумот учун, Халқ таълими вазири Улуғбек Иноятов билан очиқ мулоқотнинг тўлиқ шакли тез орада сайтда тақдим этилади.


Манба: Kun.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Ўзбекистонда янги вазирлик ташкил этилади