Бу дунёда Ҳақдан устун киши йўқдир,
Тавба-тавба, Биру Борим, қабул этгил.
Тафаккур бер, бизга англат, бизга уқтир,
Тавба-тавба, Биру Борим, қабул этгил.
Юзим икки, сўзим икки, Сенга борсам,
Бошга қайғу келса Сени ёдга олсам,
Биру Борсан, Раҳмли Зот, Раҳнамосан,
Тавба-тавба, Биру Борим, қабул этгил.
Кими ғафлат босиб ётгай, кими уйғоқ,
Кими кўнгли қора, кимин қалбидир оқ,
Шафқатингга турурмиз биз фақат муштоқ,
Тавба-тавба, Биру Борим, қабул этгил.
Зулм кўрсак, бўйин эгдик, тупроқ бўлдик,
Қамчи тегса, қилич келса кўпроқ бўлдик,
Тилимиз йўқ, қўлимиз йўқ, ўлмай ўлдик,
Тавба-тавба, Биру Борим, қабул этгил.
Қўлга тегса давлат магар, қутурганмиз,
Бирор қулнинг елкасида ўтирганмиз.
Тупроқлик ҳам эсдан чиқиб кўпирганмиз,
Тавба-тавба, Биру Борим, қабул этгил.
Мадҳигўймиз бандаларга, Холиқ қолди,
Ғолиб зотлар бу қулликка солиқ солди,
Билолмасман ким йўлинда солиҳ қолди,
Тавба-тавба, Биру Борим, қабул этгил.
Ҳолимизга на йиғлаб, на кулиб бўлгай,
Мазлум этин золим каслар юлиб бўлгай,
Бу хўрликда на ўриндан туриб бўлгай,
Тавба-тавба, Биру Борим, қабул этгил.
Ичга ютдик, Ягона зот, дод этмадик,
Ўлиб бўлган руҳимизни шод этмадик,
Ғафлат кечиб, кечир, сени ёд этмадик,
Тавба-тавба, Биру Борим, қабул этгил.
Буюк Қодир, шафоат бер мардумларга,
Ва иймон бер биздан кетган марҳумларга.
Бутун етказ, ҳисоб берилар Кунларга,
Тавба-тавба, Биру Борим, қабул этгил.
Ё Аллоҳим, тавбамизни қабул этгил.
Хуршид Абдурашид
Манба: Azon.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
АҚШ Ҳаага судининг Исроилга нисбатан терговига қарши чиқяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Ўз қўлимиз билан муаммо яратмайлик...
Грузия бош вазири мамлакат президентини “сотқин” деб атади
Тошкентда мебел цехи 1 млрд сўмлик электр энергиясидан ноқонуний фойдалангани аниқланди
Пентагон раҳбари Хитойни АҚШнинг асосий рақиби деб атади
Қозоғистонда давлатлараро қидирувга берилган шахс Самарқандда ушланди