Bu dunyoda Haqdan ustun kishi yo‘qdir,
Tavba-tavba, Biru Borim, qabul etgil.
Tafakkur ber, bizga anglat, bizga uqtir,
Tavba-tavba, Biru Borim, qabul etgil.
Yuzim ikki, so‘zim ikki, Senga borsam,
Boshga qayg‘u kelsa Seni yodga olsam,
Biru Borsan, Rahmli Zot, Rahnamosan,
Tavba-tavba, Biru Borim, qabul etgil.
Kimi g‘aflat bosib yotgay, kimi uyg‘oq,
Kimi ko‘ngli qora, kimin qalbidir oq,
Shafqatingga tururmiz biz faqat mushtoq,
Tavba-tavba, Biru Borim, qabul etgil.
Zulm ko‘rsak, bo‘yin egdik, tuproq bo‘ldik,
Qamchi tegsa, qilich kelsa ko‘proq bo‘ldik,
Tilimiz yo‘q, qo‘limiz yo‘q, o‘lmay o‘ldik,
Tavba-tavba, Biru Borim, qabul etgil.
Qo‘lga tegsa davlat magar, quturganmiz,
Biror qulning yelkasida o‘tirganmiz.
Tuproqlik ham esdan chiqib ko‘pirganmiz,
Tavba-tavba, Biru Borim, qabul etgil.
Madhigo‘ymiz bandalarga, Xoliq qoldi,
G‘olib zotlar bu qullikka soliq soldi,
Bilolmasman kim yo‘linda solih qoldi,
Tavba-tavba, Biru Borim, qabul etgil.
Holimizga na yig‘lab, na kulib bo‘lgay,
Mazlum etin zolim kaslar yulib bo‘lgay,
Bu xo‘rlikda na o‘rindan turib bo‘lgay,
Tavba-tavba, Biru Borim, qabul etgil.
Ichga yutdik, Yagona zot, dod etmadik,
O‘lib bo‘lgan ruhimizni shod etmadik,
G‘aflat kechib, kechir, seni yod etmadik,
Tavba-tavba, Biru Borim, qabul etgil.
Buyuk Qodir, shafoat ber mardumlarga,
Va iymon ber bizdan ketgan marhumlarga.
Butun yetkaz, hisob berilar Kunlarga,
Tavba-tavba, Biru Borim, qabul etgil.
Yo Allohim, tavbamizni qabul etgil.
Xurshid Abdurashid
Manba: Azon.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiya G‘azoga 29 tonnadan ortiq insonparvarlik yordami jo‘natdi
Rossiyaning harbiy operatsiyadagi manyovri Ukrainani hayratga soldi
Rossiya qo‘shinlari Avdeyevkadagi ikkita qishloqni egallab oldi
Erdo‘g‘on terrorchilar haqida keskin gapirdi
Emmanuel Makron: “Ukraina tez orada qulashi mumkin”
«Krokus»dagi hujum bo‘yicha sakkizinchi ayblanuvchining ismi oshkor qilindi