Тинчлик бўйича Нобел мукофоти Наргис Муҳаммадийга берилди

Тинчлик бўйича Нобел мукофоти эронлик ҳуқуқ ҳимоячиси, аёллар ҳуқуқлари учун курашаётган ва мамлакат ҳукумати томонидан қамоққа ташланган Наргис Муҳаммадийга берилди.

Аёллар ҳуқуқларини ҳимоя қилган ва мамлакат ҳукумати томонидан қамалган эронлик ҳуқуқ фаоли Наргис Муҳаммадий 2023 йил учун тинчлик бўйича Нобел мукофотини қўлга киритди. Ослодаги Нобел қўмитаси ўз қарорини 7 октябр, жума куни эълон қилди.

2022 ва 2021 йилларда тинчлик бўйича Нобел мукофоти лауреатлари

2022 йилда Нобел мукофоти Россия, Беларус ва Украина ҳуқуқ ҳимоячиларига берилди: Россиянинг «Мемориал» инсон ҳуқуқлари жамияти, Украина фуқаролик эркинликлари маркази ва Беларуснинг «Весна» инсон ҳуқуқлари маркази асосчиси Алес Беляцкийга.

2021 йилда тинчлик бўйича Нобел мукофоти лауреатларидан бири «Новая газета» бош муҳаррири Дмитрий Муратов эди. У билан бирга мукофот филиппинлик журналист Мария Рессага топширилди. Муратов ва Ресса «демократия ва матбуот эркинлиги тобора ноқулай шароитларга дуч келаётган дунёда» ушбу идеал учун курашаётган барча журналистлар вакили», дея таъкидлаган қўмита. Муратов тинчлик учун Нобел мукофотига сазовор бўлган учинчи россиялик бўлди. Ундан олдин у физик ва ҳуқуқ ҳимоячиси Андрей Сахаровга ва СССРнинг ягона президенти Михаил Горбачёвга берилган эди.

Тинчлик бўйича Нобел мукофоти

Тинчлик бўйича мукофот, Алфред Нобел васиятига кўра, «халқларни бирлаштириш ва фаол армиялар сонини камайтириш, шунингдек, тинчлик конгрессларини ўтказиш ва уларга эътиборни жалб қилишда энг катта муваффақиятга эришган ёки бошқалардан кўпроқ иш қилган шахсга берилади».

Тинчлик учун Нобел мукофоти биринчи марта 1901 йилда берилган. Унинг лауреатлари Халқаро Қизил Хоч қўмитаси асосчиси, швейцариялик тадбиркор ва жамоат арбоби Анри Дюнан ҳамда «Тинчлик ва эркинлик лигаси» пацифистик ташкилоти асосчиси, француз сиёсатчиси Фредерик Пасси бўлган.

Янгиликлар