Жанубий Каролина штатида узунлиги 3,6 метр бўлган сетчатый питон кўчада ушлангани ҳақида UPI хабар берди. Бу улкан илон Ньюберри округи аҳолисини бир неча ҳафта давомида даҳшатга солиб келган.
Питонни топиш учун маҳаллий аҳоли ҳаракатга тушди. Рептилияни қўлга туширишда ҳаваскор илон овчиси Эван Тернер иштирок этди. Илон кучли қаршилик кўрсатиб, ҳатто бир эркакни буталарга йиқитди, лекин охирида уни тўхтатишга муваффақ бўлишди.
Бу турдаги питонлар ушбу ҳудудда яшамаслиги сабабли, унинг қаердан келгани номаълум. Шерифнинг тахминича, у илгари кимнингдир уй ҳайвони бўлган ва катталиги сабабли ташлаб юборилган бўлиши мумкин. Ҳозирча питон Уоррен исмли киши қарамоғида, унга доимий жой қидирилмоқда.
Аввалроқ Санкт-Петербургда Вася исмли питон терариумни синдириб, қочмоқчи бўлган, аммо ёритгич ҳалқасига иланиб қолган эди. Эгаси уни ветеринария клиникасига олиб борди ва мутахассислар питонни ҳеч қандай жароҳатсиз қутқариб қолишди.
Шунингдек, Лос-Анжелес марказида Жозеф Харт исмли рептилия овчиси турли жиҳозларсиз, мусор қутисидан 7 метрли питонни қўллари билан ушлаб олган эди.
«Замин»ни Telegram’да ўқинг!
