Трамп 2 апрел куни бутун дунёга савдо уруши эълон қилганида АҚШга Хитой импортига 34 фоизлик қўшимча божлар киритганди. Президент божлар кучга киришини бир ҳафтага кечиктириб, барча мамлакатлар билан музокаралар ўтказишни таклиф қилди ва "феноменал" ёндашув кўрсатганларга енгиллик берилишини ваъда қилди.
Хитой бу ҳужумни танқид қилиб, бошқа давлатларни жаҳон савдоси эркинлигини ҳимоя қилишга чақирди. Ордан икки кун ўтиб, Хитой молия вазирлиги худди шундай 34 фоизлик қўшимча божларни жорий қилишини эълон қилди.
Шу билан бирга, Хитой Жаҳон савдо ташкилотига расмий шикоят киритди. Аммо ЖСТда низоларни ҳал қилиш механизми кўп йиллардан бери ишламайди, чунки АҚШ бу ташкилотни Хитойнинг иқтисодий таъсирини кучайтирувчи восита деб билади ва апелляция органи ишини тўхтатган.
Трампнинг тариф сиёсатининг асосий нишони Хитой бўлиб қолмоқда, чунки у Америкага энг кўп товар экспорт қилувчи мамлакат ҳисобланади. АҚШ Хитой билан катта савдо тақчиллигига эга ва Трамп аввалги президентлик давридаёқ савдо урушини бошлаган эди.
Биринчи уриниш катта самара бермади. Трамп 2025 йил январида яна президент бўлиб қайтгач, иккинчи урушни бошлади. 2 апрелдаги эълондан сўнг, Хитой товарларига қўшимча божлар жорий этилди ва умумий ставка 54 фоизгача ошди.
Бундан ташқари, Трамп 2 майдан бошлаб интернет-дўконлар учун 800 доллардан арзонроқ юбориладиган пакетларга бериладиган имтиёзни бекор қилади. Бу қарор Shein ва Temu каби Хитой чакана онлайн сотувчиларига катта таъсир кўрсатиши мумкин. 2024 йилда америкаликлар шундай юборилган тахминан 1,5 миллиардга яқин жўнатмаларни қабул қилишган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
