“Ла Лига”нинг 10-туридан ўрин олган тарихий “Эл-Класико”да “Реал Мадрид” ўз майдонида “Барселона”ни 2:1 ҳисобида мағлуб этди. Учрашув муросасиз курашлар, тезкор ҳужумлар ва юқори даражадаги техника билан ўтди.
Ўйин бошиданоқ мадридликлар ташаббусни қўлга олди. 22-дақиқада Кйлиан Мбаппе рақиб ҳимоясини ёриб ўтиб, ҳисобни очди. Бироқ 38-дақиқада “Барселона” футболчиси Фермин Лопез ҳисобни тенглаштирди.
Шунга қарамай, “Реал” танаффусга чиқишдан олдин яна олдинга ўтишга муваффақ бўлди. 43-дақиқада Жуд Беллингем аниқ зарбаси билан жамоасига ғалаба келтирган голни урди.
Иккинчи бўлимда ҳар икки жамоа бир неча хавфли ҳужумлар уюштирди, аммо натижа ўзгармади. “Реал Мадрид” ўйинни 2:1 ҳисобида якунлаб, муҳим уч очкони қўлга киритди.
Мазкур ғалаба мадридликларга турнир жадвалида етакчиликни сақлаб қолиш имконини берди, “Барселона” эса мағлубиятдан сўнг очколар бўйича орқада қолди.
“Zamin”ни Telegram'да ўқинг!
