Тузланган карам ичак учун фойдали экани исботланди

АҚШдаги Калифорния университети олимлари яна бир муҳим хулосага келишди: хом карам эмас, балки тузланган (ферментланган) карам ичак учун фойдалидир. Бу ҳақда Applied and Environmental Microbiology журналида чоп этилган сўнгги тадқиқот натижаларида қайд этилган.

Ким ўрганди ва нима учун?
Ушбу тадқиқотга озиқ-овқат фанлари профессори Мария Марко раҳбарлик қилди. Тадқиқотда:
- Хом карам,
- Тузланган (ферментланган) карам,
- Ферментациядан қолган намакоб

таъсири алоҳида ҳолда ичак ҳужайраларида синаб кўрилди. Ҳар бир модданинг яллиғланиш пайтида ҳимоя функцияси қандай ишлашини ўрганиш мақсад қилинган.

Натижа: фақат тузланган карам фойдали
Муҳим хулоса:
✅ Фақат тўлиқ ферментланган карам ичакнинг ҳимоя тўсиғини мустаҳкамлаган;
❌ Хом карамда ҳам, намакобда ҳам бундай таъсир аниқланмаган.

Қизиқарлиси, уйда тайёрланган ва дўкондаги тузланган карам ўртасида ҳам ҳеч қандай фарқ кузатилмаган — иккаласи ҳам бир хил даражада фойдали бўлган.

Ферментация нимаси билан муҳим?
Мария Марко бундай дейди:
“Ферментация пайтида карамда пайдо бўладиган моддалар ичакдаги “яхши бактериялар” ишлаб чиқарадиган метаболитларга жуда ўхшайди.”

Ферментация жараёнида карам:
- Сут кислотаси
- Аминокислоталар
- Фенол бирикмалари

каби овқат ҳазмига ёрдам берадиган моддаларни кўпайтириб юбориши исботланган.

Олдиндаги босқич — одамларда синов
Олимлар ҳозирча юзлаб моддаларни аниқлашган ва улардан қайси бири аниқ фойда бериши мумкинлигини ўрганишмоқда. Энди эса навбатда:

Клиник синовлар — агар бу таъсирлар одамларда ҳам тасдиқланса, тузланган карам:

✅ Ичак яллиғланишини камайтиришда;
✅ Ошқозон-ичак касалликлари профилактикасида;
✅ Рақамли диета таркибида муҳим маҳсулот сифатида тавсия этилиши мумкин.

“Бобомиз айтган” карам қайта модага кирмоқда
Аждодларимиз тузланган карамни фақат таъм учун эмас, балки фойдаси учун ҳам истеъмол қилган. Энди буни фан ҳам тасдиқламоқда.

Шу боис, ягона салат сифатида эмас, балки профилактик маҳсулот сифатида ҳам тузланган карамга эътибор қаратиш вақти келди. «Замин»ни Telegram’да ўқинг!