Ўзгидромет маълумотига кўра, 25–26 октябрь кунлари Ўзбекистон ҳудудида ҳаво ҳарорати аста-секин пасайиши кутилмоқда, деб хабар берди идора.
Маълумотларга кўра, бугун ва яқин дам олиш кунларигача мамлакат бўйлаб илиқ ва қуруқ об-ҳаво ҳукм суради, ёғингарчилик кутилмайди. Фақат Тошкент вилоятининг тоғли ҳудудларида қисқа муддатли ёмғир ёғиши, баланд тоғ жойларда эса қорга айланиши мумкин.
Ҳарорат 24 октябрда мамлакатнинг кўп ҳудудларида 25–30 даража, шимолий вилоятларда эса 21–26 даража атрофида бўлади. 25 октябрда ҳарорат 23–28 даражага, 26 октябрда эса 21–26 даражагача пасайиши кутилмоқда. Шимолда бу кўрсаткич 19–24 даражагача тушиши мумкин.
Шамол шарқ йўналишдан 7–12 м/с тезликда эсади.
Тошкент шаҳрида ҳаво ўзгарувчан бўлиб, ёғингарчилик кутилмайди. Шамол шарқдан енгил эсади. Ҳарорат кундузи 24 октябрда 28–30 даража, 25 октябрда 25–27 даража, 26 октябрда эса 24–26 даража атрофида бўлади. Кечалари ҳарорат 13–15 даражагача пасайиши кутилмоқда.
Синоптикларнинг таъкидлашича, илиқ кунлар ортидан кузнинг ҳақиқий салқин фазаси эндигина бошланмоқда.
“Zamin”ни Telegram'да ўқинг!
