Кимдир эснаса, ортидан ўзингиз ҳам эснаган пайтларингиз бўлса керак. Бу ҳолат "юқувчан эснаш" деб аталади ва уни фақат инсонлар эмас, айрим ҳайвонлар ҳам бошдан кечиради.
Психиатр доктор Чарльз Свитнинг таъкидлашича, бунда миядаги ойна нейронлар (mirror neurons) муҳим рол ўйнайди. Бу нейронлар бошқаларнинг ҳаракатларини кузатганда фаоллашади. Демак, кимнидир эснаётганини кўрсангиз, миянгиз шу ҳаракатни "такрорлашга" мойиллик кўрсатади.
Тадқиқотлар шуни ҳам кўрсатганки, биз таниш инсонларнинг эснашига нисбатан кўпроқ таъсирланамиз. Масалан, итлар ўз эгаси эснаганда, бегона одамга нисбатан кўпроқ эснашга мойил бўлади.
Олим Андрю Гэллапнинг сўзларига кўра, эснаш мияни совитиш ва ҳушёрликни оширишга ёрдам беради. Бу гуруҳдаги бошқа аъзоларнинг ҳушёрлигини ҳам ошириши мумкин.
Шунингдек, эснаш гуруҳдаги фаолиятларни мувофиқлаштиришга ёрдам беради. Африка шерларини ўрганган тадқиқот шундан далолат берадики, кимдир эснаса, бошқалар унинг ҳаракатини кўпроқ такрорлайди.
Ҳамма ҳам бир хил эснашга мойил эмас. Эҳтимол, бу ҳамдардлик даражасига боғлиқ: психопатик хусусиятлари юқори бўлган одамлар бошқаларнинг эснашига деярли жавоб қайтармайди.
Хулоса шундай: эснаш фақат чарчоқ эмас — у ижтимоий уйғунлик, ҳамдардлик ва диққат билан боғлиқ. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
