Баъзи маҳсулотларни буткул зарарли ёки фойдали деб бўлмайди, шунчаки меъёридан ортиқ истеъмол қилиш маълум оқибатларга олиб келиши жиҳатидан уларни камайтириш тавсия қилиниши мумкин. Лекин қуйидаги уч маҳсулот қанчалик кам истеъмол қилинмасин, саломатликка зарар келтираверади.
Қовурилган картошка
Қовурилган картошка (чипс) — фойдали маҳсулотни зарарлига айлантириш мумкин эканининг яққол исботи. Қуйида чипсларнинг нима учун зарар эканига тўхталиб ўтамиз.
Калория миқдори
80 гр чипсда 400-420 калория бўлишига қарамай инсонни тўқ тутиш хусусиятига эмас, балки иштаҳасини очади. Унинг ўрнига калорияга бой, аммо фойдали таом, масалан, гўштни димлаб, гарнир сифатида сабзавотларни ейиш тавсия қилинади.
Канцероген моддалар
Юқори даражадаги ёғда қовуриш жараёнида картошкада ошқозон-ичак, жигар ва буйракларни зарарлайдиган акролеин ва акриламид ҳосил бўлади. Организмнинг мунтазам ушбу моддаларни қабул қилиши оқибатида эса саратон пайдо бўлиш хавфи юқори бўлади.
Транс-ёғлар
Транс-ёғлар ҳам қовурилиш оқибатида юзага келади ва қон томири деворларини зарарлаб, юрак-қон томир касалликларига олиб келади.
Майонез
Фото: «Яндекс Дзен»
Уй майонези ўсимлик ёғи, тухум сариғи, хантал ва зираворлардан тайёрланади ва унинг зарари калория миқдори юқоридалигида бўлади. Сиз дўкондан харид қиладиган майонез таркибида эса қон томирлари учун зарарли транс-ёғлар, ошқозоности бези учун зарарли бўлган қуйилтирилган E-1422 қўшимчаси, қуритилган тухум сариғи шунингдек, консервантлар, «краситель», сунъий ифор берувчи ароматизаторлар ва шакар қўшилган бўлади. Буларнинг бари эса ҳазм жараёнининг бузилиши ва бошқа бир қанча касалликларга олиб келади. Шу боис ҳам майонезни уй шароитида тайёрлаш ёки ўрнига сметана, соя соуси, лимон шарбатидан фойдаланиш тавсия қилинади.
Шоколад батончалари
Фото: «Яндекс Дзен»
Чипс, майонез, колбаса ёки ширинликларда зиғирча бўлса ҳам оқсил ёки витамин бўлиши мумкин, шоколад батончалари эса калория конидан бошқа нарса эмас. Унинг таркибида шакар, палма ёғи, кимёвий қўшимчалар лиммо-лим. Карамель қўшилгани эса тиш эмалининг емирилиши ва кариес келиб чиқишига сабаб бўлади. Шунингдек, бундай батончалар қоринни тўқ тутиш хусусиятига ҳам эга эмас. Ярим соатга иштаҳангиз бўғилиши мумкин, кейин эса аввалгидан ҳам кўпроқ нарса егингиз келади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шойгу Украина дронларига қарши қўлланиладиган янги воситалар билан танишди
2025 йилги Green Card натижалари эълон қилинди
Тимур Кападзе Японияга қарши кечадиган финал учрашуви олдидан нималар деди?
Шавкат Мирзиёев: Жаҳонда инвесторлар учун мислсиз кураш кетяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Туркия Курдистон ишчи партиясига алоқадор 43 нафар террорчини йўқ қилди
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди
