Вьетнамдық суретші Гиннес рекордтар кітабына енді. UPI хабарлауынша, Лу Конг Гуен 34 жыл бойы тырнағын алмай жүріп, әлемдегі ең ұзын тырнақ иесі атанды.
Екі қолындағы тырнақтарының жалпы ұзындығы 5,9 метрге (19 фут 6 дюйм) жеткен — бұл орташа жирафтың бойынан да ұзын.
Гуеннің айтуынша, ол жас кезінде мұғалім болуды армандаған және «салтанатты көрініс үшін» тырнағын өсіре бастаған. Оның әкесі шаман болғандықтан, діни сенімі де бұл шешімге әсер еткен. Бірақ кейін әкесінің талабымен мұғалімдік арманынан бас тартқан, алайда тырнағын алудан тыйылып, суретшілікпен айналысқан.
«Содан бері оларды алған жоқпын, және тырнақтарым барған сайын ұзара берді. Егер оларды қиюға тура келсе, өзімді әрі рухани, әрі тән жағынан өте жайсыз сезінер едім», — деді суретші.
Оның айтуынша, мұндай тырнақтарды сақтау үлкен жауапкершілікті қажет етеді.
«Жаңбыр жауса, оларды міндетті түрде құрғақ ұстауым керек, өйткені суланса, жұмсарып, сынып қалады. Адам көп жерде біреу тиіп кетсе де оңай жарақаттанады. Сондықтан жұмыста да, қозғалыста да өте мұқият болуға тура келеді», — деп қосты Гуен.
