Индонезия астанасы Джакартада жұма намазы кезінде мешіт ішінде күшті жарылыс болды. Оқиға 7 ноябрьде Келапа Гадинг қаласындағы мектеп кешені аумағында орналасқан ғибадатханада болғанын Reuters агенттігі хабарлады.
Ресми мәлімет бойынша, жарылыс салдарынан кем дегенде 50 адам түрлі дәрежедегі дене жарақатын алған. Олардың кейбіреулері ауыр жағдайда ауруханаға жатқызылды. Қалалық полиция басшысы Асеп Эди Сухеридің айтуынша, оқиғаның себептерін қазір тергеу органдары анықтап жатыр.
"Жалпы 54 адам жарақат алды. Олардың арасында жеңіл жарақат алғандар да, ауыр күйік алғандар да бар," - деді полиция басшысы.
Куәгерлердің айтуынша, жарылыс жұма уағызы басталғаннан бірнеше минут өткен соң болған. "Кенет қатты жарылыс естілді, бөлме іші қара түтінге толды. Адамдар жүгіріп шықты, балалар жылады, кейбіреулер қорқып құлап қалды," - дейді мешітте болған математика мұғалімі Буди Лаксоно.
Жарылыстан зардап шеккендердің көпшілігі шыны сынықтары мен дыбыс толқындарынан зардап шеккен. Оларға алғашқы медициналық көмек Келапа Гадинг аудандық клиникасында көрсетілді.
Тергеушілер қазір бірнеше ықтимал себептерді қарастыруда. Олардың арасында электр сымдарының қысқа тұйықталуы, электронды құрылғылардағы ақаулар және қолдан жасалған жарылғыш құрылғыны пайдалану ықтималдығы да бар. Оқиға орнын тексеру кезінде полиция күдікті заттар - пневматикалық қару, револьвер түріндегі атыс құралдары мен қашықтан басқару пульттері табылғанын хабарлады.
Қазіргі уақытта барлық дәлелдер сараптамадан өтуде, тергеу жұмыстары Индонезияның ішкі істер және қауіпсіздік органдарының бақылауында.
“Zamin”-ді Telegram-нан оқыңыз!
