Ресейде WhatsApp мессенджері төңірегінде күрделі жағдай қалыптасуда - платформа жергілікті заң талаптарын толық орындамаса, ел аумағында мүлдем жұмыс істемей қалуы мүмкін. Бұл туралы Ресейдің байланыс, ақпараттық технологиялар және бұқаралық коммуникациялар саласын бақылайтын федералдық қызмет - Роскомнадзор ресми түрде мәлімдеді.
WhatsApp-қа қатысты қолданылатын шектеу шаралары кезең-кезеңімен күшейтілуде. Себеп ретінде мессенджердің Ресей аумағында қылмыстың алдын алуға бағытталған заң нормаларын орындамауы көрсетілген.
Роскомнадзор нұсқасы бойынша, платформа террористік әрекеттерді ұйымдастыру, орындаушылар мен қатысушыларды жалдау, сондай-ақ азаматтарға қарсы алаяқтық және басқа да қылмыстарда қолданылып жатқаны айтылған. Сондықтан қызмет мессенджерді бақылауға алып, шектеулерді кеңейтуге мәжбүр болды.
Ақпаратта айтылғандай, шектеулер кезең-кезеңімен енгізілуде - бұл пайдаланушыларға басқа мессенджерлерге ауысуға мүмкіндік береді. Егер WhatsApp Ресей заңнамасының талаптарын орындаудан бас тартса, оның толығымен бұғатталуы сөзсіз.
WhatsApp-тағы қоңыраулардың сапасы тамыз айынан бері айтарлықтай нашарлаған. Қазан айында Роскомнадзор ресми түрде мессенджердің қызметін ішінара шектегенін айтты және мұны қылмыскерлермен күресу қажеттілігімен түсіндірді. 28 ноябрь күні де ел бойынша, әсіресе Мәскеу қаласында сервисте елеулі үзілістер, хабарлама жіберудегі кешігулер, фото және видео жіберудегі қиындықтар байқалды.
WhatsApp Ресейдегі ең танымал мессенджерлердің бірі болып табылады. Google Play деректері бойынша, ол "Байланыс" санатындағы қосымшалар арасында бесінші орында тұр. Mediascope-дің 2025 жылдың октябрь айындағы талдауларына қарағанда, Ресейде WhatsApp аудиториясы 96,2 миллион қолданушыны құраса, Telegram 91 миллион адамға жеткен.
WhatsApp-тың Ресейде толық бұғатталуы туралы пікірталастар 2024 жылдан бері жалғасып келеді. Мемлекеттік Дума комитетінің басшысы Сергей Боярский өткен жылдың декабрінде бұл туралы қауесеттерді "өсек-аяң" деп атап, мәселеге қатысты абайлап пікір білдіруге шақырған еді.
“Zamin”-ді Telegram-нан оқыңыз!
«Меҳмон» тобындағы келушілер бұл жарияланымға пікір қалдыра алмайды.
