Камбоджа ҳукумати Тайланд билан барча чегара ўтказиш пунктларини ёпди. Бу қарор икки мамлакат ҳарбий кучлари ўртасидаги тўқнашувлар давом этган пайтда қабул қилинди. Расмийларга кўра, чегара хавфсизлигини таъминлаш учун ҳаракат вақтинча тўхтатилган.
Бундан аввал АҚШ президенти Доналд Трамп томонлар о‘t очишни тўхтатишга келишганини маълум қилган эди. Бироқ шанба куни ҳам жанглар давом этди. Тайланд расмийлари тўрт нафар аскар ҳалок бўлганини билдирди. Камбоджа эса қурбонлар сони ҳақида янгиланган маълумот бермади.
Томонлар бир-бирини ҳаво ва ракетали ҳужумларда айбламоқда. Камбоджа мудофаа вазирлиги Тайланд ҳарбий самолётлари бинолар ва кўприкка зарба берганини билдирди. Тайланд эса Камбоджа ракета ҳужумларида тинч аҳоли жабрланганини маълум қилди. Чегара ҳудудларидан камида 700 минг киши хавфсиз жойларга кўчирилди.
Қаттиқ қўшнилик низоси Камбоджа ва Тайланд ўртасида узоқ йиллардан бери давом этмоқда. Илгари ҳам ўт очишни тўхтатиш тўғрисида келишувлар бўлганига қарамай, томонлар ўртасида ишонч тикланмаган. Шу сабабли вазият ҳозирча кескинлигича қолмоқда.
“Zamin”-ді Telegram-нан оқыңыз!
«Меҳмон» тобындағы келушілер бұл жарияланымға пікір қалдыра алмайды.
