Таиланд пен Камбоджа арасында жасалған бітім келісімі кезең-кезеңімен жүзеге асырылуда. Бұл туралы Қытайдың Сыртқы істер министрлігі хабарлады. Пекин тараптардың жағдайды ушықтырмай, бейбіт жолмен шешуге ұмтылып отырғанын атап өтті.
Қытай Сыртқы істер министрлігінің өкілі Линь Цзяньнің айтуынша, екі ел де бітімнің толық әрі ұзақ мерзімді болуын қамтамасыз етуі тиіс. Қытай өңірдегі тұрақтылық пен қауіпсіздікті қолдайтынын мәлімдеді.
Сондай-ақ Таиландтың Камбоджаға 18 сарбазды қайтарғаны хабарланды. Бұл қадам тараптар арасындағы сенімді қалпына келтіру және келісімге адалдықтың белгісі ретінде бағаланып отыр.
Анықтама ретінде, Таиланд пен Камбоджа желтоқсан айының соңында екінші рет бітім келісіміне қол жеткізген болатын. Бұл келісім бірнеше аптаға созылған шекара қақтығыстарын тоқтатып, өңірдегі жағдайды тұрақтандыруға ықпал етуде.
“Zamin”-ді Telegram-нан оқыңыз!
