Дуров: Франция әлеуметтік желілерге қысым көрсетуде

Telegram мессенджерінің негізін қалаушы Павел Дуров Францияны әлеуметтік желілерге қатаң қарайтын ел ретінде сынға алды.

Оның айтуынша, қазіргі уақытта Франция полициясы X әлеуметтік желісінің Париждегі кеңсесінде тінту жұмыстарын жүргізіп жатыр. Дуровтың айтуынша, Франция адамдарға белгілі бір дәрежеде еркіндік беретін барлық платформаларды - Telegram, X және TikTok сияқты әлеуметтік желілерді қылмыстық жауапкершілікке тартуға тырысатын әлемдегі жалғыз мемлекет болып табылады.

"Қателеспеңіз, бұл азат ел емес," - деп пікір білдірді Павел Дуров.

Ақпарат үшін, Telegram негізін қалаушы 2024 жылдың август айында Париж әуежайында ұсталған болатын. Оған қатысты тергеу Telegram платформасында контентті жеткілікті дәрежеде бақыламағаны, сондай-ақ Франция құқық қорғау органдарымен ынтымақтастықтан бас тартқаны үшін жүргізілді.