Әзербайжан астанасы Бакудегі әскери сот Таулы Қарабақтың (Арсах) бұрынғы басшылары мен бірқатар шенеуніктеріне үкім шығарды. Жергілікті ақпарат құралдарының хабарлауынша, мойындалмаған құрылымның бұрынғы "президенті" Араик Арутюнян және тағы бірнеше жоғары лауазымды тұлғалар өмір бойына бас бостандығынан айырылды.
Дереккөздерде атап өтілгендей, өмір бойына сотталғандардың қатарында Левон Мнацаканян (әскер қолбасшысы), Давид Манукян (әскер қолбасшысының орынбасары), Давид Ишханян (парламент төрағасы) және Давид Бабаян (СІМ басшысы) бар. Сот процесінде оларға бейбітшілік пен адамзатқа қарсы қылмыстар, әскери қылмыстар, терроризмге қатысты эпизодтар, сондай-ақ басқа да бірқатар ауыр айыптар тағылғаны айтылады.
Сонымен қатар, Таулы Қарабақтың тағы екі бұрынғы басшысы Аркадий Гукасян мен Бако Саакянның 20 жылға бас бостандығынан айырылғаны туралы хабар тарады. Сондай-ақ Мадат Бабаян мен Меликсет Пашаян (19 жылдан), Гарик Мартиросян (18 жыл), Давид Алавердян (16 жыл), Василий Беглярян, Гурген Степанян және Эрик Казарян (15 жылдан) да сотталды.
Бір қызығы, кейбір дереккөздер Рубен Варданянның ісі жеке іс жүргізуде қаралып жатқанын айтады.
Қысқасы, үкім - аймақ төңірегіндегі үлкен саяси-құқықтық дауларды одан әрі қыздыра түсетіні анық. Сондықтан бұл тақырып жақын күндері де күн тәртібінен түспейді.
“Zamin”-ді Telegram-нан оқыңыз!
