Қазақстанның Каспий құбыр консорциумы (КҚК) арқылы экспортталатын CPC Blend сұрыпты мұнайы әлемдік базарларда барреліне 5 долларға дейін жеңілдікпен сатылуда. Бұл жағдай 2022 жылдың соңынан бері байқалған ең жағымсыз көрсеткіш ретінде бағалануда.
Хабарланғандай, арзандаған бағалар CPC Blend мұнайына деген қызығушылықты арттырды және сұраныс қысқа мерзімде қалпына келді. Сондықтан төмен бағалар ұзақ уақыт сақталмады.
Бағаның төмендеуінің негізгі себебі ретінде Қазақстан мұнайының ірі сатып алушылары жеткізілімдегі үзілістерге алаңдап, уақытша басқа мұнай сұрыптарына ауысқаны айтылады.
Соңғы айларда Қазақстан мұнайын КҚК арқылы жіберу бірнеше рет тоқтатылды. Бұған украиналық дрондардың шабуылы, қолайсыз ауа райы, тиеу терминалындағы жөндеу жұмыстары және қаңтар айында Тенгиз кенішіндегі генератор өртінен кейін өндіріс көлемінің қысқаруы себеп болған.
"Reuters" мәліметінше, ақпан айында Теңіз кен орнынан мұнай экспорты жоспардың тек 35 пайызын құрауы мүмкін. Қаңтар айында жалпы экспорт көлемі жоспарланған көрсеткіштің шамамен жартысына тең болды.
Жеткізудегі үзілістерге байланысты қаңтар айында Қашаған кен орнында өндірілген мұнайдың бір бөлігі алғаш рет ішкі нарыққа жіберілді. Әдетте Қазақстанның мұнай экспортының шамамен 80 пайызы КҚК үлесіне тиеді. Құбырға Тенгиз, Қашаған және Қарашығанақ кен орындарынан шикізат жеткізіледі.
“Zamin”-ді Telegram-нан оқыңыз!
