Еуропа Одағы аумағындағы миграция үрдісі соңғы жылдары қарқындап, 2025 жылдың қорытындысы бойынша тарихи рекорт белгіленді. Ресми мәліметтер бойынша, одақ елдерінде тұратын, ЕО аумағынан тыс жерде туған халық саны 64 миллион адамға жеткен.
Бұл туралы Данияның «Rockwool» бейкоммерциялық қорының Берлін бөлімі әзірлеген талдамалық есепте хабарланды.
Есепте атап өтілгендей, 2025 жыл ішінде Еуропаға кірген мигранттар саны 2,1 миллион адамды құраған. Бұл көрсеткіш алдыңғы жыл — 2024 жылға қарағанда шамамен 500 мың адамға аз болса да, жалпы миграциялық қысым әлі де жоғары деңгейде сақталып отыр.
Талдамалар бойынша, Еуропа елдері миграция ағынының негізгі бағыты болып қала беруде және жаңа келгендердің басым бөлігі еңбек нарығына және әлеуметтік жүйеге әсер етуде.
Мигранттардың басым бөлігі Еуропаның ең ірі экономикалары бар елдеріне бара жатыр. Атап айтқанда:
- Германия;
- Франция;
- Испания;
- Италия.
Осы елдер миграция ағынының негізгі бөлігін өз мойнына алған.
Еурopa Одағы халқы құрамында мигранттардың орташа үлесі 14,2 пайызды құрайды. Алайда кейбір шағын елдерде бұл көрсеткіш айтарлықтай жоғары деңгейге көтерілген.
- Люксембург — 52%;
- Мальта — 32%;
- Кипр — 28%.
Бұл жағдай шағын елдерде миграцияның демографиялық құрылымға елеулі әсер етіп отырғанын білдіреді.
“Zamin”-ді Telegram-нан оқыңыз!
