АҚШ пен Иран ядролық келісім бойынша келіссөз жүргізуде

АҚШ пен Иран уранды байытуға 10 жылдан астам мерзімге мораторий енгізу мәселесін талқылауда. Бұл туралы CNN хабарлады.

Телеарна дереккөздерінің мәліметінше, талқыланып жатқан жоспарда мыналар қарастырылған:

- Әскери іс-қимылдардың аяқталғанын жариялау және Иранның ядролық бағдарламасын қоса алғанда, негізгі даулы мәселелер бойынша 30 күндік келіссөздер кезеңін бастау;

- Иранға тиесілі бұғатталған активтерді босату және Ормуз бұғазында қауіпсіздікті қамтамасыз ету;

- Уранды байытуға 10 жылдан астам мерзімге мораторий енгізуді талқылау және байытылған уран қорларын Ираннан шығарып әкету.