АҚШ президенті Ираннан хат күтіп отырғанын мәлімдеді

АҚШ президенті Дональд Трамп Вашингтонның келісім бойынша ұсыныстарына Иран тарапынан жауап жақын сағаттарда келуі мүмкін екенін мәлімдеді.

Ол бұл туралы Ақ үйде өткен баспасөз мәслихатында хабарлады. Трамптың айтуынша, Ираннан жауап хатты бүгін кешке алу күтілуде.

«Мен бүгін кешке хат аламын. Содан кейін не болатынын көреміз», — деді АҚШ президенті журналистерге.

Бұған дейін Иран Сыртқы істер министрлігінің өкілі Эсмаил Багаи де бұл тақырыпта мәлімдеме жасаған болатын.

Ол Tasnim агенттігіне берген сұхбатында Тегеран әзірге АҚШ-тың келісім бойынша ұсыныстарына ресми жауап бермегенін айтты.

Әзірге келіссөздердің мазмұны мен ықтимал келісім шарттары туралы қосымша ақпарат берілген жоқ.