Трамп қажылықтан кейін Иранға қарсы шабуылдарды жалғастыруы мүмкін

АҚШ президенті Дональд Трамп Иранға қарсы әскери іс-қимылдарды қажылық маусымынан кейін қайта бастауы мүмкін екені айтылуда. Middle East Eye басылымының дереккөздеріне сәйкес, Вашингтонның Парсы шығанағындағы одақтастары оны қажылық кезінде соғысты жалғастырмауға шақырған.

Трамп 18 мамырда БАӘ, Сауд Арабиясы және Катар одан шабуылдарды тоқтатуды сұрағанын мәлімдеген. Сол себепті 19 мамырға жоспарланған Иранға қарсы соққы кейінге қалдырылғаны айтылуда.

Дереккөздерге қарағанда, АҚШ тарапына Құрбан айт қарсаңында жасалатын шабуыл мұсылман әлемінде Вашингтонның беделіне елеулі нұқсан келтіруі мүмкін екені түсіндірілген.

Басылымның жазуынша, Трамп өз әкімшілігінің өкілдерінен де қазіргі уақытта АҚШ-Иран соғысын қайта бастау оның саяси жағдайына теріс әсер ететіні туралы ескерту алған.