Пәкістанда теміржол маңындағы жарылыстан ондаған адам қаза тапты

Пәкістанның Белуджистан провинциясындағы Кветта қаласында теміржол желісінің маңында қатты жарылыс болды. Anadolu агенттігінің Geo News телеарнасына сілтеме жасап хабарлауынша, оқиға салдарынан 23 адам қаза тауып, тағы 70 адам жарақат алған.

Мәліметтерге сәйкес, жарылыс нәтижесінде пойыздардың бірі ішінара зақымданған. Сондай-ақ, жақын маңдағы көліктерге де зиян келді.

Қатты жарылыс толқынынан айналадағы ғимараттардың терезелері сынды. Қазіргі уақытта оқиға орнында құтқару және тергеу жұмыстары жалғасуда.