Трамп отбасымен байланысты компания Украинада роботтарды сынақтан өткізуде

АҚШ президенті Дональд Трамптың отбасымен байланысы бар делінетін «Foundation Future Industries» компаниясы Украинада адам тәрізді роботтарды сынақтан өткізе бастады. Мәліметтерге сәйкес, компания жыл басында Украинаға «Phantom MK-1» үлгісіндегі екі тәжірибелік роботты жеткізген.

Сынақтар негізінен қауіпті майдан шебіндегі аймақтарда логистика және қамтамасыз ету міндеттерін орындауға бағытталған. Компания басшысы Санкайет Патактың айтуынша, Украинадағы тәжірибе роботтардың қауіпті жерлерге жүк жеткізе алатынын көрсетті.

Алайда «Phantom MK-1» моделі әзірге ұрыс даласында кеңінен қолдануға дайын емес екені айтылуда. Робот шамамен 20 келіге дейін жүк көтере алады, сонымен қатар оның ылғалдан қорғанысы мен аккумулятор қуаты шектеулі.

Сол себепті компания Украинаға жетілдірілген «Phantom 2» роботтарын жіберуді жоспарлап отыр. Бұдан бөлек, стартап Пентагонмен ынтымақтастықты күшейтіп, АҚШ әскери құрылымдары үшін 24 миллион долларлық мемлекеттік тапсырыс алғаны хабарлануда.