Тейлор Свифт жаңа альбомына айтылған сындарға жауап берді

Танымал әнші Тейлор Свифт өзінің “Life of a Showgirl” атты жаңа студиялық альбомына қатысты түрлі пікірлерге түсініктеме берді. Оның айтуынша, альбом атауы төңірегіндегі кез келген талқылау — шығармашылығын кеңінен насихаттауға қызмет етеді.

«Мен даңқты ұнатамын. Шоу-бизнес ережесі солай: егер альбом шыққанына әлі бір апта өтпесе де, сіз менің атымды немесе альбомымның атын атасаңыз, бұл — маған көмектесіп жатырсыз деген сөз», — деді әнші күлімсіреп.

Тейлор Свифт, сондай-ақ, музыка мен өнерге қатысты барлық пікірлерді құрметтейтінін атап өтті:

«Өнерде әр адамның өз көзқарасы болуы — табиғи нәрсе. Мен мұндай ойларды бағалаймын. Әрбір адам шығармашылыққа қатысты өз сезімі мен пікіріне ие болуға құқылы», — деді ол.

Свифттің айтуынша, көптеген жанкүйерлер уақыт өте келе оның туындыларына деген көзқарасын өзгертеді.

«Жанкүйерлерім жиі былай дейді: ‘Бұрын Reputation альбомы маған ұнамайтын, бірақ өмірімдегі өзгерістерден кейін ол менің сүйікті альбомыма айналды’. Бұл мен үшін үлкен шабыт көзі», — деді әнші.

Тейлор Свифт жаңа еңбегімен мақтанатынын жасырмады:

«Мен не жаратқанымды жақсы білемін және өз еңбегімді шын жүректен сүйемін», — деп қосты ол.

Айта кетсек, 3 қазан күні Тейлор Свифт өзінің 12-студиялық альбомы “Life of a Showgirl” альбомын таныстырды.