Актриса және блогер Хонзода 27 жасқа толғанын өзінің Instagram парақшасына жүктеген бейне арқылы мәлімдеді. Ол жазбаның астына былай деп жазған:
«Мен 27 жасқа толдым және дәстүрімді жалғастырып жатырмын. Әр туған күнімде қайырымдылық жасаймын деп уәде берген едім».
Бейнеде Хонзоданың балалармен бірге қуанышты сәттер өткізгені көрінеді. Ол балалармен бірге шамдарды өшіріп, тортты кескен, оларға сыйлықтар таратып, балалардың қуанышына ортақ болып, бірге ойын-күлкі жасаған.
Бұл жазба әлеуметтік желі қолданушылары тарапынан жылы қабылданды. Пікірлерде көпшілік Хонзоданы туған күнімен құттықтап, шынайы тілектерін білдірген. Сонымен қатар кейбіреулер мұндай дәстүр баршаға үлгі бола алатынын, үлкен той жасаудың орнына қайырымдылық жасауға болатынын атап өткен.
