Актриса және блогер Феруза Норматова «YashinTV» жобасына берген сұхбатында жолдасының баласына деген қарым-қатынасы туралы шынайы пікір білдірді.
Оның айтуынша, жолдасы баласын қатты жақсы көреді және ол үшін бәріне дайын: «“Алимент” деген мәселе бізде қиындық тудырмайды. Жолдасым: “Баламды көрсем болды, алиментті өмір бойы төлеймін.
Баламды берсе, барлық нәрсемді беремін”, дейді. Ол баласы үшін көлік алып беруді, шетелге саяхатқа апаруды, оны қуантуды қалайды».
Феруза Норматова сонымен бірге бұл мәселеде қиындықтар да болып жатқанын жасырмады: «Өкінішке орай, ол жақта түрлі кедергілер бар. Баланы әкесінен алшақтату, 15 тәулікке қаматып тастау, әкесіне бір жылдап баласын көрсетпеу, тіпті басқа адамды “әке” деп айтқызуға тырысу — бұл адамгершілікке жатпайды».
Актриса жолдасының баласын қабылдауға дайын екенін де атап өтті: «Мен ол баланы өз баламдай қабылдауға дайынмын. Жолдасымның тыныштығы — менің де тыныштығым.
Әкені баласынан, баланы әкесінен айыратын адам болғым келмейді».
Ол, сондай-ақ, бұл мәселедегі көптеген қауесеттерге қарамастан өз ұстанымынан қайтпайтынын білдірді: «Балаға деген мейірім мен әйелге деген махаббатты салыстыруға болмайды — бұл екі бөлек сезім. Олар перзентімен бақытты болса, мен де қуаныштымын», — деді Феруза Норматова.
