Ташкентте әлеуметтік желілерде тез таралған видеодан кейін тағы бір өткір оқиға талқылаудың ортасына шықты. Кадрларда белгісіз жігіт азаматтарға телефон арқылы қарудың суретін көрсетіп, “мұны қайдан сатып алуға болады?” деп сұрап тұрғаны көрінеді.
Ташкент қалалық ІІББ-ның ресми мәліметіне сәйкес, оқиға 14 ақпан күні Мирабад ауданындағы Тарас Шевченко көшесінде болған. 2006 жылы туған, психикалық жағдайы ауыр деп бағаланған С.М. айналасындағылардан қаруды қайдан сатып алуға болатынын сұрап, кейін оқиға орнынан кетіп қалған.
Осыдан кейін Мирабад ауданы ІІО ФМБ тарапынан тергеуге дейінгі тексеру жүргізіліп, жігіттің жеке басы анықталған. Ресми дерек бойынша, ол психикалық-жүйке аурулары ауруханасына орналастырылған. Соңғы шешім заңнама негізінде қабылданатыны хабарланды.
Сонымен қатар, желілерде оның мектепте атыс ұйымдастыру және “100 адамды өлтіру” сияқты қоқан-лоққы айтқаны туралы да жазылды. Кейбір куәгерлер оның №60 мектеп жағына бет алғанын хабарлағаны атап өтілді.
Бұл оқиға тағы бір шындықты еске салады: “жай ғана сұрақ” болып көрінген сөз де қоғамдық қауіпсіздікке қатысты болса, міндетті түрде тексеріледі — бұл жерде әзілдің орны жоқ.
