Испанияның әйгілі клубы "Реал Мадрид" өз стадионының атауын өзгертті. Енді ол ресми түрде "Сантьяго Бернабеу" емес, қысқаша "Бернабеу" деп аталады. Бұл туралы "Спорт" басылымы хабарлады.
Клуб басшылығы бұл шешімді брендті жаһандық нарықта таныту және коммерциялық тұрғыдан тиімді болу мақсатында қабылдағанын айтты. Олардың пікірінше, қысқа және заманауи атау маркетингте күшті әсер етеді.
Алайда көптеген жанкүйерлер бұл шешімге қарсы. Олар "Сантьяго" сөзін алып тастауды клубтың тарихына және бұрынғы президент Сантьяго Бернабеудің мұрасына құрметсіздік деп бағалады.
Анықтама үшін, стадион 1947 жылы "Nuevo Estadio Chamartin" атауымен ашылып, 1955 жылы сол кездегі президент Сантьяго Бернабеудің құрметіне қайта аталған.
2019 жылы басталған қайта құруға 1,3 миллиард еуро жұмсалды. Жаңа жоба заманауи қасбетті, жарықтандыру жүйелерін және көп мақсатты алаңдарды қамтиды.
Клуб басшылығы жақын күндері Пасео-де-ла-Кастельяна көшесінде жаңа "Бернабеу" жазуын орнатуды жоспарлап отыр. Бұл стадионның жаңа коммерциялық имиджін нығайтуға бағытталған.
Естеріңізге сала кетейік, "Реал Мадрид" 2017 жылы Emirates компаниясының 250 миллион еуролық атау құқығы ұсынысынан бас тартқан еді. Бірақ қазіргі экономикалық жағдай клубты коммерциялық саясатын қайта қарауға мәжбүрлеп отыр.
“Zamin”-ді Telegram-нан оқыңыз!
