Барселона футболшыларының қалпына келу мерзімі белгілі болды

Испандық баспасөз "Барселона" футбол командасының жарақат алған ойыншыларының қалпына келу мерзімі туралы жаңа ақпараттар жариялады. "Barca Universal" ақпаратына сәйкес, қақпашы Жоан Гарсиа мен вингер Рафинья 22 қараша күні өтетін Ла Лиганың "Атлетик" командасына қарсы ойынында алаңға шығуға дайын болады.

Вингер Ламин Ямал 8-10 күн бойы саптан шығады. Жартылай қорғаушы Педри желтоқсан айының орта тұсында алаңға оралады.

Қақпашы Марк-Андре тер Штеген қаңтар айында командаға қосылады. Жартылай қорғаушы Гавидің тек ақпан айында алаңға шығуы күтілуде.

"Барселона" қазір Испания чемпионаты турнир кестесінің екінші орнында тұр және "Реалдан" үш ұпайға артта қалып отыр.